Divisional Secretariat - valikamam north

Details

Last Updated: 06 November 2026

இளைஞர்களின் தொழில்திறன்களை மேம்படுத்தி, வேலைவாய்ப்புகளை அதிகரிக்கும் நோக்கில் முன்னெடுக்கப்படும் “Door to Door Skills Campaign” நிகழ்ச்சித்திட்டத்தின் முதற்கட்ட நிகழ்வு 2026.10.30 அன்று   மாலை. 3.30 மணிக்கு தெல்லிப்பளை பிரதேச செயலக மாநாட்டு மண்டபத்தில் நடைபெற்றது.

தெல்லிப்பளை பிரதேச செயலாளர் அவர்களின் ஏற்பாட்டில், பிரதேச ஒருங்கிணைப்புக் குழுத் தலைவரும் கௌரவ பாராளுமன்ற உறுப்பினருமான திரு. சண்முகநாதன் ஸ்ரீபவானந்தராசா அவர்களின் தலைமையில் இந்நிகழ்வு இடம்பெற்றது.

இந்நிகழ்ச்சித்திட்டத்தின் மூலம் 18–25 வயதுக்குட்பட்ட தொழில் வாய்ப்பற்ற இளைஞர்களை அடையாளம் கண்டு, அவர்களின் ஆர்வம் மற்றும் திறன்களுக்கு ஏற்ப தொழிற்பயிற்சிகளை வழங்கி அங்கீகரிக்கப்பட்ட சான்றிதழ்களைப் பெற்றுக்கொள்ள வழிகாட்டுதல் வழங்கப்படவுள்ளது.

இதற்காக கிராம மட்டத்தில் வீடு வீடாகச் சென்று இளைஞர்களின் தேவைகளை அடையாளம் கண்டு, பொருத்தமான தொழிற்பயிற்சி நிறுவனங்களுடன் அவர்களை இணைக்கும் நடவடிக்கைகள் முன்னெடுக்கப்படவுள்ளன.

இந்நிகழ்வில் மாவட்ட திறன் அபிவிருத்தி இணைப்பாளர், தொழிற்பயிற்சி நிறுவனப் பிரதிநிதிகள், சமூக வலுவூட்டல் உத்தியோகத்தர்கள், ஏனைய துறைசார் அபிவிருத்தி உத்தியோகத்தர்கள்,மற்றும் பிரதேச செயலக உத்தியோகத்தர்கள் உள்ளிட்டோர் கலந்துகொண்டனர்.

Details

Last Updated: 04 November 2026

"உளவளத்துணையும் பொதுமக்களுடனான ஆளுமையான உறவுமுறையும் தொடர்பாடலும்" கருத்தரங்கு 28.10.2026 அன்று பொலிஸ் உள்ளக பயிற்சி நிலையத்தில்  (காங்கேசன்துறை) வடமாகாண பொலிஸ் நிலையங்களில் கடமையாற்றும் பொலிஸ் திணைக்களத்தால் தெரிவு செய்யப்பட்ட பொலிஸ் உத்தியோகத்தர்களுக்கான கருத்தரங்கு நிகழ்வு நடைபெற்றது.

Details

Last Updated: 06 November 2026

​தேசிய சிறுவர் பாதுகாப்பு அதிகார சபையினால் (NCPA) ஏற்பாடு செய்யப்பட்ட 2026 ஆம் ஆண்டுக்கான சிறுவர் பாதுகாப்பு தொடர்பான  சமூக மாநாட்டில் (Child Protection Community Symposium 2026) தெல்லிப்பழை பிரதேச செயலகப் பிரிவின் இளவாலை கிராம சிறுவர் பாதுகாப்பு வலையமைப்பைப் (Ilavalai village Child Protection Network) பிரதிநிதித்துவப்படுத்தி மூன்று திறமைமிகு மாணவர்கள் பங்குபற்றினர்.

​இம்மாநாட்டின் ஓர் அங்கமாக கொழும்பு Srilanka Foundation இல் 30.10.2026 நடைபெற்ற தேசிய மட்டத்  போட்டியில்(தமிழ் மொழிமூலப்), இளவாலை கிராம மட்ட சிறுவர் பாதுகாப்பு தொடர்பான முன்வைப்பை (Presentation) மிகச் சிறப்பாக வெளிப்படுத்தி, அனைவரையும் மெய்சிலிர்க்க வைத்து தேசிய ரீதியில் முதலாம் இடத்தைப் பெற்று மகத்தான சாதனை படைத்துள்ளனர்.

சாதனை படைத்த மாணவர்கள்:

செல்வன் பி. தர்சன் ( தரம்-11) 

(யா / மகாஜனக் கல்லூரி)

செல்வன் ம. சாருஜன் ( தரம் -9)

(யா / அருணோதயக் கல்லூரி)

செல்வி ச. திலோஜி ( தரம் -11)

(யா/ இளவாலை மெய்கண்டான் மகா வித்தியாலயம்)

இத்தகைய வரலாற்றுச் சிறப்புமிக்க வெற்றியைப் பெற்று, இளவாலை கிராமத்துக்கும், கல்வி கற்கும் பாடசாலைகளுக்கும், தெல்லிப்பழை பிரதேச செயலகத்திற்கும் பெருமை சேர்த்த மாணவர்களுக்கு எமது மனமார்ந்த வாழ்த்துகளையும் பாராட்டுகளையும் தெரிவித்துக் கொள்கின்றோம். உங்கள் திறமையும் ஆளுமையும் மேலும் மேலும் வளர வாழ்த்துகிறோம்.

இந்த மாபெரும் கூட்டு முயற்சிக்கு உறுதுணையாக நின்று வழிகாட்டிய மதிப்புக்குரிய தெல்லிப்பழை பிரதேச செயலாளர் மற்றும் உதவி பிரதேச செயலாளர்,மதிப்புக்குரிய அதிபரும் ஆசிரியருமான  திரு.ஜெ. ஜெயகிறிஸ்ரோ   ( யா/வலித்தூண்டல் றோ.க.த பாடசாலை)( Study Center நிர்வாகி) மற்றும் அன்புள்ள பெற்றோர்கள் ,பிரதேச சிறுவர் பாதுகாப்பு உத்தியோகத்ததருக்கும்  நன்றிகளும் பாராட்டுக்களும் உரித்தாகட்டும் .

Details

Last Updated: 02 November 2026

2026.10.23 ஆந் திகதியன்று  கலாசாரப்பிரிவின் ஒழுங்குபடுத்தலின் பிரகாரம், நேர்மைக்கலாசாரம் நிகழ்ச்சித்திட்டத்தின் அடிப்படையில் " மனித மாண்பு நிறைந்த நேர்மையான சமூகம் " எனும் தொனிப்பொருளில் மாவை சிவத்தமிழ் அறநெறிப்பாடசாலையில் நடைபெற்றது.இந்நிகழ்விற்கு வளவாளராக வடபிரதேச நல்லொழுக்க  சம்மேளன செயலாளர் திரு.செல்லையா குமாரசிங்கம் அவர்கள் கலந்து சிறப்பித்திருந்தார்.இந்நிகழ்வில் அறநெறி ஆசிரியர்கள்,ஆலய நிர்வாகத்தினர் மற்றும் மாணவர்கள் கலந்து சிறப்பித்திருந்தனர்.