ප්‍රාදේශීය ලේකම් කාර්යාලය - වලිකාමම් උතුර

විස්තර

අවසන් යාවත්කාලීන කිරීම: ඔක්තෝබර් 07 2026

வடக்கு மாகாண பண்பாட்டலுவல்கள் அலகு மற்றும்  கலாசார அலுவல்கள் திணைக்களங்களின் அனுசரணையுடன், வலிகாமம் வடக்கு பிரதேச செயலகமும் பிரதேச கலாசார பேரவையும் இணைந்து ஏற்பாடு செய்த “பண்பாட்டுப் பெருவிழா – 2026”  04.09.2026 வெள்ளிக்கிழமை பிற்பகல் 2.00 மணிக்கு தெல்லிப்பழை இராஜேஸ்வரி மண்டபத்தில் நடைபெற்றது.

தெல்லிப்பழை பிரதேசத்தின் கலை வடிவங்களை ஒரே மேடையில் வெளிப்படுத்தும் விதத்தில் நிகழ்வுகள் இடம்பெற்றன.முக்கிய அம்சமாக இவ் ஆண்டிற்கான பிரதேச கலைச்சுடர் விருது மூவருக்கு வழங்கப்பட்டது. ஒப்பனைக் கலையில் சிறப்பான பங்களிப்பை ஆற்றிவரும் அளவெட்டி கிழக்கைச் சேர்ந்த திரு. ஐயாத்துரை பத்மதாஸ் அவர்களுக்கு “கலைச்சுடர் விருது” வழங்கி கௌரவிக்கப்பட்டது.

வாத்தியக்கலையில், குறிப்பாக ஆர்மோனியம் இசைத்துறையில் சிறப்பான பங்களிப்பை வழங்கிவரும் மல்லாகம் கிழக்கைச் சேர்ந்த திரு. சிவநாதன் றஜீவன் அவர்களுக்கும் “கலைச்சுடர் விருது” வழங்கி கௌரவிக்கப்பட்டது.

அத்துடன், வயலின் வாத்தியக் கலையில் தனது திறமையை வெளிப்படுத்தி வரும் அளவெட்டி தெற்கைச் சேர்ந்த திருமதி நிக்ஸ்சனா கோகிலரூபன் அவர்களுக்கும் “கலைச்சுடர் விருது” வழங்கி வைக்கப்பட்டது.பிரதேச மட்ட கலைமன்றப் போட்டிகள் மற்றும் தேசிய கலை இலக்கியப் போட்டிகளில் வெற்றிபெற்ற மாணவர்கள், கலைஞர்கள் மற்றும் போட்டியாளர்களுக்கான பரிசில்களும் வழங்கி வைக்கப்பட்டன.

විස්තර

අවසන් යාවත්කාලීන කිරීම: ඔක්තෝබර් 07 2026

03.09.2026 ஆம் திகதி  தேசிய சிறுவர் பாதுகாப்பு அதிகார சபையின் ஆராய்ச்சி மற்றும் அபிவிருத்தி பிரிவு அதிகாரிகள் பங்குபற்லுடன் , இளவாலை வடக்கு கிராமத்தில் நடைபெற்ற சமுதாய சிறுவர் பாதுகாப்பு நிகழ்ச்சி. 

විස්තර

අවසන් යාවත්කාලීන කිරීම: ඔක්තෝබර් 07 2026

03.09.2026 ஆம் திகதி  இந்து சமய கலாசார அலுவல்கள் திணைக்களத்தின் ஏற்பாட்டில் நல்லூர் கந்தசுவாமி  ஆலய மகோற்சவ காலத்தினை முன்னிட்டு நல்லை திருஞான சம்பந்தர் ஆதீன கலா மண்டபத்தில் நடைபெற்று வருகின்ற தெய்வீகத்திருக்கூட்ட நிகழ்வில்  நேற்றைய தினம் எமது பிரதேச செயலகப் பிரிவிற்கு உட்பட்ட  குருந்தடி இராஜ ராஜேஸ்வரி அம்பாள் ஆலய அறநெறிப்பாடசாலை, பழம்பதி ஆலய அறநெறிப்பாடசாலை, சிவன்அறநெறிப்பாடசாலை,மாவை இந்து பொதுச்சேவைக் கழக  அறநெறிப்பாடசாலை, அண்ணமார் அறநெறிப்பாடசாலை மற்றும் ஸ்ரீ துர்க்காதேவி ஆலய அறநெறிப்பாடசாலை மாணவர்களின் கலைநிகழ்வுகள் நடைபெற்றன.

இந்நிகழ்விற்கு எமது பிரதேச செயலகத்தினுடைய மதிப்பிற்குரிய உதவிப்பிரதேச செயலாளர் அவர்கள் பிரதம விருந்தினராக கலந்து சிறப்பித்து இருந்தமையும் குறிப்பிடத்தக்கது.

විස්තර

අවසන් යාවත්කාලීන කිරීම: ඔක්තෝබර් 07 2026

மாற்றுத்திறனாளிகளின் வேலைவாய்ப்பு பங்களிப்பை மேம்படுத்தும் நோக்கில் சமூக சேவைகள் திணைக்களத்தினால் முன்னெடுக்கப்படும் சிஹினா இலங்கை (SHINA Sri Lanka) வேலைவாய்ப்பு ஆதரவு திட்டம், மனிதவள மற்றும் வேலைவாய்ப்பு திணைக்களத்தின் ஒத்துழைப்புடன், வேலைவாய்ப்பு ஆதரவு அலகு (Employment Support Unit) ஊடாக நாடு முழுவதும் நடைமுறைப்படுத்தப்பட்டு வருகிறது.

இத்திட்டத்தின் ஒரு பகுதியாக, மாவட்டத்தில் நடைபெற்ற  நிகழ்ச்சி, 2026  செப்டெம்பர், மாதம் 02 ம் திகதி பருத்தித்துறை  நாகர் கோவில்  முன்றலில் அழகிய  இயற்கையான இடத்தில்  இடம்பெற்றது. வலிகாமம் வடக்கு,தெல்லிப்பழை  பிரதேச செயலகப் பிரிவில், சமூக சேவைகள் திணைக்களத்தின்   சமூக சேவை உத்தியோகத்தர் அவர்களின் தலைமையில் வெற்றிகரமாக நடைபெற்றது.

இந்நிகழ்ச்சியின் பிரதான நோக்கம், மாற்றுத்திறனாளிகளை வேலைவாய்ப்பு வழங்குநர்களுடன் இணைத்து, அவர்களின் பொருளாதார சுயநிறைவை மேம்படுத்துதல், உடல் மற்றும் மனநல நலன்களை வலுப்படுத்துதல், மேலும் அனைவரையும் உள்ளடக்கிய ஆரோக்கியமான பணிச்சூழலை உருவாக்குவதாகும்.

நிகழ்வில்   மாற்றுத்திறனாளிகள் பல்வேறு திறமைகளையும் ஆற்றல்களையும் கொண்டவர்கள் என்றும், அவற்றை வெளிப்படுத்தி பொருத்தமான வேலைவாய்ப்புகளைப் பெறுவதற்கான சிறந்த வாய்ப்பாக இத்திட்டம் அமைகிறது என்றும்  மனிதவள மேம்பாட்டு அலுவலர், எதிர்கால வேலைவாய்ப்புகளைப் பெறுவதற்குத் தேவையான தகுதிகள், முன்னேற்பாடுகள் மற்றும் விண்ணப்ப நடைமுறைகள் தொடர்பாக பயனுள்ள வழிகாட்டல்களையும் தனது தொழில்முறை அனுபவங்களையும் பங்கேற்பாளர்களுடன் பகிர்ந்து கொண்டார்.நிகழ்வின்போது, பணியிடங்களில் மாற்றுத்திறனாளிகள் எதிர்கொள்ளும் சவால்கள், அவற்றை வெற்றிகரமாக எதிர்கொள்வதற்காக அவர்கள் பயன்படுத்திய உத்திகள் மற்றும் மாற்றுத்திறனாளிகளுக்கு வேலைவாய்ப்புகளை வழங்கும்போது தொழில் வழங்குநர்கள் எதிர்நோக்கும் சிரமங்கள் தொடர்பில் பயனுள்ள கலந்துரையாடல்கள் இடம்பெற்றன.

மேலும், பங்கேற்பாளர்களின் தன்னம்பிக்கை, குழு உணர்வு மற்றும் தனிப்பட்ட நலனை மேம்படுத்தும் வகையில் பல்வேறுபட்ட ஆளுமை விருத்தி ,ஊக்கமளிப்பு போன்ற விளையாட்டுக்கள் மற்றும் செயற்பாடுகளும் நடத்தப்பட்டன.

மாற்றுத்திறனாளிகளுக்கான வேலைவாய்ப்பு வாய்ப்புகளை ஊக்குவிப்பதிலும், அவர்கள் சமூகத்தில் சுறுசுறுப்பான முறையில் பங்கேற்பதற்கான  வாய்ப்புகளை ஏற்படுத்துவதிலும் இந்நிகழ்வு முக்கிய பங்காற்றியதுடன், பங்கேற்பாளர்களிடமிருந்து சாதகமான வரவேற்பையும் பெற்றுக்கொண்டது இந் நிகழ்வில்  சமூகபராமரிப்பு கிளை உத்தியோகத்தர்கள் மற்றும்  உளவளத்துணையாளர், மற்றும்  மனிதவள  மேம்பாட்டு உத்தியோகத்தர்கள், மாற்றுதிறனாளிகள் 40 நபர்கள் பங்கு பற்றினர்.